Tag Archives: “Kuu Lei Momi”

Hush, My Dear, Say Nothing Lest the Winds Arise, 1932.

Posted on by
Reply

Kuu Lei Momi

He ono, he ono no ke kole maka onaona,
He ono, he ono no ka oio halale ke kai,
He ono, he ono no ka amaama lawalu,
He ono, he ono no ka manini pulehu,
He ono, he ono no ka luau pulehu,
He ono, he ono no ka wai o ka niu haohao,
He ono, he ono no i luna, i luna ae,
He ono, he ono no i lalo, i lalo iho,
Hamau ko leo e ke aloha,
Mai walaau o makani auanei.

(Hoku o Hawaii, 10/4/1932, p. 4)

Ka Hoku o Hawaii, Buke XXVI, Helu 17, Aoao 4. Okatoba 4, 1932.

Kuu Lei Momi

He ono, he ono no ke kole maka onaona,
He ono, he ono no ka oio halale ke kai,
He ono, he ono no ka amaama lawalu,
He ono, he ono no ka manini pulehu,
He ono, he ono no ka luau pulehu,
He ono, he ono no ke kukui inamona,
He ono, he ono no ke kamano lomilomi,
He ono, he ono no ka wai o ka niu haohao,
He ono, he ono no i luna, i luna ae,
He ono, he ono no i lalo, i lalo iho,
Hamau ko leo e ke aloha,
Mai walaau o makani auanei.

He hoi palua ka hula ana o ka laina hookahi no mua.

George Pooloa.

(Hoku o Hawaii, 9/13/1932, p. 2)

Ka Hoku o Hawaii, Buke XXVI, Helu 14, Aoao 2. Sepatemaba 13, 1932

Kaena Song (Kuu Lei Momi), 1913

Posted on by
Reply

KAENA SONG

Aia i Kaena kuu Lei Momi

Ua hoopulu ia e ka hunakai

Akahi hoi au a ikemaka

Ka ukana luuluu a ke aloha

Hoona ae ana i ko aloha

Ka pilina o ke kula a o Lauhulu

Me he lei hulu mamo ala ko aloha

A ka puuwai a e malama nei

Malama pono oe a i ko aloha

I ka puni kauoha a kaua

Uluhua wale au i ke kaiaulu

I ka makani kaulana a o Waianae

Nana a e kaomi malie nei

Me ka malu lau niu o Poka-i

Ke i ae nei ko’u manao

E hui me ka I’ahamauleo

Ka hone a ke kai a o Puuloa

Me he ala o kuu aloha kekahi

Hea aku no au o mai oe

O ka ua kokoula ku kamahao

Hainaia mai ana ka puana

Aia i Kaena kuu Lei Momi

Haina hou ia mai ka puana

Aia i ka piko malalo iho

[Versions of familiar mele like this one (attributed to Samuel K. Halstead), and many others not heard today, are found all over the newspapers! There is so much that the haku mele of today can learn from them, if they would just look back…]

[A large portion of the digital images for this paper are illegible, and hopefully they will be reshot before it is too late.]

(Holomua, 12/20/1913, p. 4)

KAENA SONG

Ka Holomua, Buke I, Helu 12, Aoao 4. Dekemaba 20, 1913.