Daily Archives: February 20, 2016

More old mele, 1919.

Posted on by
Reply

HAWAIIAN MELE

(That are not known to the generation of this time.)

Maikai ke kuahiwi nani na mauna,
Ka aula wai o Namolokama;
E o ana ia Mamalahoa,
I hoohoa i hoa Kupakoili.
Ka lihau wai anu o Maunahina,
Ua auneki i ka la’i me he polope’a la,
Ka-kakaha me he lupe la i ka malie.
Oiaio oia paha !

_____

Aia la o ka noe o Alakai,
Ua haanolu wale i Hauailiki;
Ka holahola wai a ka Lupua,
Pupu aku la i Ko’ialana.
Ka maka o ka lehua a ka manu,
Ua noho aloha wale i Kalaukipapaaola,
Ua haanou wale i ka ua ka nahele,
Ke kahelahela o Lonokoiuiu.
Oiaio oia paha e!

_____

Nana aku o ka lae o Kalaau,
Hele a nonohe ka pua i ka wai;
Ka aulii halalii a ke kohekohe,
Ka anapau a ka ohu i ka laau,
Paa Waialeale naue ole i ka makani,
I haka uliliia Kamelekula,
I holoa linoia luna o Kawaikini,
Ka palahinu me he hulumamo la i ka la,
Hana Kemamo i ke ao humu papale kapu no Hulaia,
Ma ke kihi poohiwi o Keaolewa
Oiaio oia paha e pa wai au a e kepa kaua.

_____

O ka mikioi malaila pu me ka maemae,
Aohe mea maikai nui i ka lokoino;
Ma ka hana mau ana e pili mai ai ka lako.
O hoonawaliwali hahai ka hemahema.
Ma keaha e lilo ai ke dala i mea waiwai?
Ma o ka loaa o na mea i makemakeia.

_____

Aia i Kapalama ka’u aloha,
O ka mu’o launiu opiopio.

(Kuokoa, 6/13/1919, p. 2)

Kuokoa_6_13_1919_2

Ka Nupepa Kuokoa, Buke LVII, Helu 24, Aoao 2. Iune 13, 1919.

A mele by Kaikioewa, 1919.

Posted on by
Reply

A MELE HOAEAE.

Aala mapu ka hanu o ka lauae i ka pale [pali],
Mapu no i ka pali o Waialoha;
Aloha wale ai ke kapa huki palai,
Palai kahuli lole uka o Alakai.
Noe wale mai no Kalehuamakanoe,
Noe Kalehuamakanoe wiwo i ke anu,
Anu aku i ke ala kipapa laau,
Alanui kui lima kanaka o Maunahina e.
E hina hookahi la hoi owau wale no,
E hina pu ae no kaua i ke ahanui,
Ali’a la ha’o-e!

—Kaikioewa.

(Kuokoa, 6/13/1919, p. 2)

Kuokoa_6_13_1919_2

Ka Nupepa Kuokoa, Buke LVII, Helu 24, Aoao 2. Iune 13, 1919.

Sheet music at Wall Nichols Co., 1900.

Posted on by
1

SOME FINE HAWAIIAN SONGS.

You can find Hawaiian music like Wehiwehi, Akelekele ka Manao, Mai Poina oe Ia’u, Maui no ka Oi (in English and Hawaiian), Kapilina, Kuu lei Loke, and Laieikawai, at the musical instrument and music store of Wall Nichols Company on King Street under our Newspaper Office. These are songs done with the music. There are other Hawaiian songs available at this store.

[This sounds like Johnny Noble’s “Aloha: Souvenir Collection of Rare Old Hawaiian Songs.”]

(Kuokoa, 1/26/1900, p. 2)

Kuokoa_1_26_1900_2

Ka Nupepa Kuokoa, Buke XXXVIII, Helu 4, Aoao 2. Ianuari 26, 1900.

Three Lena Machado mele! 1939.

Posted on by
1

Hawaiian Songs of This Age

Composed by Lena Machado

NONE NEI

Heaha neia hana a’e none nei
None ana paha i ke kumu o ka hana,
O kau hana maa mau ia,
Hoouluhua mau nohoi oe ia’u.
Heaha kou makemake e hana aku au,
Eia nohoi oe i ku’u poli e pili ala,
Pehea la au e hana aku ai,
Hoouluhua mau nohoi oe ia’u.
Oihoiha e none like aku kaua,
None ana i ka pili makemake
O kou makemake ua hooko ia
O ko’u nei la, aole loa
Haina kapuana ua mele ia
Heaha neia hana a’e none nei.

HOOHENOHENO

Hooheno hoohenoheno nohoi oe,
E ne-none nei i ku’u poli,
E hoolale, e hoolalelale mai ana,
E kiliopu hou kaua ia kawa
O kou makemake a’o ko’u noia
E miliopu-lima hou kaua ilaila
O oe a o wau wale no kei ike
I ka hana noeau a ke kupuna
Haina kapuana ua lohe ia
Hoohenoheno nohoi oe.

NANI KA OPUA

Nani ka Opua kaupono i Kahikina,
Hikina a ka La ma Kumukahi,
Hookahi mea nui ka manao e upu nei,
I ku’u Ipo ika la’i nani o Hilo.
Hilo hou ia ke aloha i pili paa pono
Pono oe pono au, pono pu kaua,
Kaua wale no kei ike ia nani
He nani i awaiaulu paa ia.

(Hoku o Hawaii, 6/28/1939, p. 1)

HokuoHawaii_6_28_1939_1

Ka Hoku o Hawaii, Volume XXXIV, Number 9, Aoao 1. Iune 28, 1939.