Mele about news heard over the telephone wires, 1921.

HULA HA’I MEAHOU.

O ke anuenue ko’u papale,
Hokuwelowelo ko’u lipine,
Hae ka ilio ma Puuloa,
He alahula ia na Kaahupahau,
Nanea i ka holo a ke kaaahi,
Ua like me ka lio waha uaua,
Ka ihona au a o Kekele,
Ike i ka nani a o Kilohana.
Hele kuu hoa a maeele,
Aole wai e maalili ai.
Iluna au a o Daimana Hila,
Ike i ka nani o ka mahina.
Kukuna o ka la ko’u kamaa,
Olapa hele nei puni ke kaona.
I ka po mahina o Mahealani,
Paia o ka hale haulani ana.
Kelepona au i hai mai,
Hu e ka pele kai a o Hilo.
I alohaia no a o Aala Paka,
Kahi a na iwa e hiolani nei.
Hainaia mai ana ka puana,
Kaula kelepona aha’i meahou.

KAKAAKO BOY.

[I wonder if this mele preceded or followed the song we know today as “Kukuna o ka La”.]

(Kuokoa, 11/11/1921, Section 2, p. 1)

HULA HA'I MEAHOU.

Ka Nupepa Kuokoa, Buke LIX, Helu 45, Mahele Elua, Aoao 1. Novemaba 11, 1921.