Tag Archives: Kilauea Lighthouse

Another mele for Kilauea Lighthouse, 1919.

Posted on by
1

HE MELE NO KA HALE KUKUI O KILAUEA.

HALE IPUKUKUI O KILAUEA, KAUAI.

Nani wale ka uwila i Kilauea,
E anapa mai la i ka paia lani;
Hoike mai ana i kona nani,
He malamalama oi kelakela;
Helu ekahi a o Hawaii nei.
Ma ka lihi kai o ka Pakipika;
Ua ana pono ia kona enekini,
No kanaha mile kona mamao;
Kaomi lima ia iho ke pihi,
E niniu ia no umi kekona;
Hihiu na hana a ka Puakea,
He oi pakela a ke akamai;
I hana noeau ia e Palani,
Me na waihooluu like ole;
He kinohinohi ke ike aku,
Ka anapa a ka onohi kaimana,
Ua hanaia a ku i ka nani,
Molina wai gula anapanapa;
Ka papa dala ke kahua ia,
Ka hulali a ka wai hoohinuhinu;
Ua kohu lihilihi anuenue,
Ka alohi, ka anapa ke ike aku,
Haina ia mai ana ka puana,
Hale kukui nani a o Hawaii nei.

Hakuia e MRS. W. PA.

Hanalei, Kauai.

(Kuokoa, 5/2/1919, p. 3)

HE MELE NO KA HALE KUKUI O KILAUEA.

Ka Nupepa Kuokoa, Buke LVII, Helu 18, Aoao 3. Mei 2, 1919.

Advertisement

Mele inoa for Kilauea lighthouse, 1914.

Posted on by
Reply

KILAUEA LIGHTHOUSE SONG.

Kaulana e ka a o ke kukui la,
Ma na aekai a o Kauai.
Ku’i aku e ka lono puni na moku,
Ua a ka uwila i Kilauea.
Na ia hana i komo mai ia’u la,
E naue i ka aina malihini.
Kamahao lua ole i kau ike la,
Ka niniu powehi a ke aniani.
Aniani na hana a ke akamai la,
Ahuwale na pali, na kualono.
O ka hao a ka ua me ka makani la,
Kikoni i ka ili o ka malihini.
Nihinihi e ke ala i ka’u ike la,
Ka uwea holu i ke kumu o ka pali.
Akahi hoi au a ike pono la,
Kauai Hemolele i ka malie.
He aloha ia no o Mokuaeae la,
Hooipo ana me ka ihu o ke kai.
Haina ia mai ana ka puana la,
Eha olapa ana i ka minuke.
Haina hou ia mai ana ka puana la,
Ipukukui olapa puni na moku.

Hakuia e D. P. Haleamau.

Kilauea, Kauai.

[This song composed by D. P. Haleamau is composed for the completion of the famous lighthouse still standing today, Kilauea Lighthouse!]

(Kuokoa, 4/10/1914, p. 4)

KILAUEA LIGHTHOUSE SONG.

Ka Nupepa Kuokoa, Buke LII, Helu 15, Aoao 4. Aperila 10, 1914.