[Found under: “NU HOU HAWAII”]

I ka i’a hamau leo—ikea ke kula o Kaupea—kiei ia Nanakuli—oku ana kahi mea hewa—hoomaha i Poka-i—kaalo ae o Mauna Lahilahi—lele mai Makaha me he ao opua la—”malolo kai me moana kai” ka’u i lohe—ne hone ana ke one kani o aMkua [Makua], alawa iho oe ma ka aoao, he neneeia na ke one opiopio—hoea i Keawaula—ike ia Kilauea—noho mai Pohaku-o-Kauai—maopopo ka Lae-o-Kaena—ike i ka pohaku olelo—maalo ana Leina-a-ka-Uhane—o ana i Aiea—pawehe o Kawaihapai—laula o Mokuleia—hoea makou ilaila, ua hele a Walikanahele—O Waimea i ka pohina a ka noe, pulupe i ka hunakai—pupuu a hoolei loa “na u o Lewa” kau iluna—hoaumoe i Kihene, ilaila makou ike i ka iniki huihui a ke kehau—hooipo me Laieikawai, i ke kiowai kapu o Waiapuka.

(Kuokoa, 1/20/1899, p. 3)

Ka Nupepa Kuokoa, Buke XXXVIII, Helu 3, Aoao 3. Ianuari 20, 1899.