A mele by Helina Kaiwaokalani written at the leprosy receiving station in Kalihi, 1891.

KA HOME A KE ALOHA.

Nani wale kuu home ku kilakila
I ka ulu wehiwehi o na pua
Hookahi pua oi ma kuu home
O ka pua melia lei onaona
Onaona na maka o kuu makua
I ka noho i ka malu lau ohai
Eia au la ko lei mamo
Malalo o ka mana o ka Papa Ola
He aloha e ka leo o kuu makua
I ke kaukau mai me ka waimaka
Mehe ‘la a e i mai ana ia’u
He aloha kuu hoapili o ka hale
Kuu hoa i ka hale lana i ke kai
I ke kai malihini o Kawaihae
Kau aku ka manao no Waimea
E ike i ka ua kipuupuu
Alo aku o ke anu a o Mana
E kilohi i ka nani o Maunakea
Ilaila makou i luana ai
Me o’u kupuna a i hala aku
Haina ia mai ana ka puana
He aloha pau ole no kuu home.

Miss Kaiwaokalani.
Kalihi, July 14, 1891. Continue reading

A mele by Annie Kaikioewa for her daughter, Helina Kaiwaokalani Maikai, 1909.

HE WEHI NO KUU KAMA

He iini he aloha no kuu kamalei
E hoi e pili poli o ka makua
Kuu lei daimana e anapa i ka la
Kuu pua melia onaona i ka ihu
Kuu lei hulu mamo kahiko i ke kino
Kuu ahuula nani kau i ka poohiwi
Kuu lei alii i ka pili umauma
Kuu hiialo hoi o na la opio
Kuu pua hoonani kahiko o ka hale
Hoi mai kaua ka la’i i Apua
I ka home pilipaa me ou kupuna Continue reading