Anyone know who Laulani Koki is? 1890.

HE INOA NO LAULANI KOKI

Hanohano Hanalei i ka ua nui
He pakika i ka limu o Manuakepa
Anu hewa i ka wai o Lumahai
Kalehuamakanoe o Luluupali
Alai e ka noe paa o Naue
E ena Haena i ka ehukai
I maliu i ke ala o ka lauae
A heaha ka hana a Lohiau ipo
O ka li’a i ka wai Kuauhoe
O ka nihi a ke ahi i Makuaiki
Haaheo i ka haka o Nualolo
Ka anohi uakoko i ka moana
Wehiwehi Polihale i ka Pahapaha
I ka lei makahehi a ka malihini
Ua nani Mana i ka liula
Ka anapa ka alohi aiai na ike
Ike i ke one kani o Nohili
Kohu Vaiolina ke hone mai
Haina ia mai ana ka puana
O Halia Laulani ko’u inoa. Continue reading

Another sweet song for Liliuokalani, 1897.

MAKALAPUA.

O Makalapua ulumahiehie,
O ka lei o Kamakaeha,
No Kamakaeha ka lei o na Liawahine,
No na wahine kihene pua.

Hui:—E lei ho–i e Liliulani e,
E lei ho–i e Liliulani e.

Haihai pua Kamani pauku pua Ki-ki,
I lei hoowehi no ka wahine,
I walea ai i ka waokele,
Iuka o Omaonahele.

Lei Kaala i ka ua a ka Naulu,
Hoolue ihola ilalo o Haleauau,
Ka ua lei kakooula i ke pili,
I pili ia e ka mauu nene me ke kupukupu.

Lei aku i na hala o Kekele,
Na hala moe ipo o Malailua,
Ua maewa wale i ke oho o ke Kawelu,
Ka lei Kamakahala a ka ua i Waahila.

[Another well known mele for Queen Liliuokalani found within the pages of the Hawaiian-Language Newspapers.]

(Aloha Aina, 1/16/1897, p. 7)

MAKALAPUA

Ke Aloha Aina, Buke III, Helu 3, Aoao 7. Ianuari 16, 1897.