Dissatisfaction with the new king, 1887.

The Native Hawaiian
HEARD FROM.

The Natives of Kaneohe Show Their Feeling Towards the Present Government.

Ua paneia e W. M. Kipikona na mea i hoikeike ia iho nei, e pili ana i ke aupuni e ku nei, o ka poe ma ke poo ke hilinai nei lakou ma o na haole la o ka aina, o na kamaaina hoi, aole o lakou hilinai iki i ka Moi a me kona mau Kuhina, i ko lakou hooponopono ana i ke aupuni. Ua ike ia ka hemahema o ko Kipikona mau alakai ana i ka manao o ka lehulehu, a e ike ia ka manao o na kamaaina o ka aina e like me na mea i kakauia malalo iho. (Ua kakauia keia ma ka olelo Hawaii e like me ka mea i ike maka ia a i lohe ia mai ka poe nona na inoa malalo iho o keia, a i kakau inoa ia e lakou me ka maopopo pono.)

Ua makemake makou i aupuni maemae, i aupuni e hooponopono noeau ia ana, a e malama ia ana na loaa a pau no kou homealoha, kou aina makuahine—”ua pau loa na alii oiaio ia Lunalilo i hala e aku nei.” O D. Kalakaua aole oia he Alii io; aole makou i noi i na Lunamakaainana e koho iaia; aole no hoi o makou makemake iaia, e like me na kahoaka i ike ia i kona la i koho ia ai. Continue reading