He inoa Nou e Kalani Lunalilo
Kamalei a Liliulaniikekapu
Ua kapu no Oe a he hiwahiwa
A he pua Kalaunu no Hawaii Continue reading
1st. Ua puia ke kaona i ke ala
O ke onaona Rose Hawaii
O ka pua oi kela o ka nani
A ka puuwai e anoai ai.
Hui: He aloha no Kawekiulani
No ka lei a Kapili Likelike
Pua nani o Ainahau
Ka onohi momi o Hawaii. Continue reading
Oh Lydia, Heaven born child of the sun!
Liliuokalani, aloha, kuu Moi!
True sovereign of the sun kissed isles of the sea,
Let it not be said that they race is now run.
How shall the intruders for their crimes atone?
For the vile indignities cast upon thee?
Oh, what, indeed, should the fit punishment be
For those who so basely robbed thee of thy throne?
Even now with stones they children are fed;
Aye, but it were better that they should be dead
Than pledged allegiance to the foreign born band,
Or take subsistence from their accursed hand.
Akua mana loa forbid it be said
That thy people deserted their native land.
Clarence E. Edwords.
[Does anyone know the story of Clarence E. Edwords?? There are some nice references to what is happens with the patriots of the Royal Hawaiian Band choosing to eat stones before pledging allegiance to the Provisional Government. Ellen Predergast composes “Mele Ai Pohaku,” and Clarence E. Edwords composes “Kuu Moi.”]
(Makaainana, 7/13/1896, p. 1)
Ka Makaainana, Buke VI—-Ano Hou, Helu 2, Aoao 1. Iulai 13, 1896.
Kaulana na pua a o Hawaii
Kupaa mahope o ka aina
Hiki mai ka Elele a ka lokoino
Palapala alunu me ka pakaha
Pane mai Hawaii Nui o Keawe
Kokua na Hono a o Piilani
Kakoo mai Kauai a o Mano
Pau pu me ke one Kakuhihewa
Aole e kau i ka pulima
Maluna o ka pepa a ka enemi
Aole makou a e minamina
I ka puu dala o ke Aupuni
Ua lawa makou i ka pohaku
I ka ai kamahao o ka aina
Hoohui Aina kuai hewa
I ka pono Kivila a o ke kanaka
Mahope makou o ka Moi
A kau hou i ka Noho Kalaunu
Haina mai ana ka puana
No ka poe i aloha i ka Aina
(Hawaii Holomua, 3/23/1893, p. 2)
Hawaii Holomua, Buke III, Helu 185, Aoao 2. Maraki 23, 1893.
1st. Kahiko ka ohu i Nuuanu
I ka holu a ka lau Kawelu
Ua lupea ia e ka moani
Hoope aala oia uka.
Hui: He halia he aloha keia
No kuu aina hanau
A’u e hiipoi mau nei
No ka Lanakila o Hawaii.
2nd. Ua nani ka pua o ka Ilima
I pilia mai me ka Malie
I wehi hoohie no ke kino
Kahiko mau no Hawaii.
3rd. Kamahao ka ike’na i ka nani
I ka wai Lehua a na manu
Manu inu wai pua Ohelo
Iiwipolena o ke Kuahiwi.
Miss Kekoaohiwaikalani.
Puahaulani Hale.
Honolulu, Mar. 25, 1893.
(Leo o ka Lahui, 4/25/1893, p. 1)
Ka Leo o ka Lahui, Buke II, Helu 691, Aoao 1. Aperila 25, 1893.
There were many people who arrived at the Night of Entertainment by the Royal Hawaiian Band [Bana Lahui Hawaii], at the Hawaiian Hotel on the evening of this past Tuesday. There were perhaps 5,000 people of all ethnicities who showed up to listen to those beautiful singers of Hawaii. Because of your fine work, O Patriots, therefore the lahui showed its appreciation to you all, with them always filling the audiences of all the performances you give. The singing voices were sweet, and the most acclaimed was your “Mele Ai Pohaku.” The audience went home with happy hearts because of the mele that were played, along with the singing. When will the next performance be? Send in a notice in advance, and we will inform the multitudes and the friends of the occasion.
¹”Ka Po Lea o Halalii.”
(Leo o ka Lahui, 10/12/1893, p. 2)
Ka Leo o ka Lahui, Buke II, Helu 789, Aoao 3. Okatoba 12, 1893.
He inoa keia no ka lahui
Na ewe hanau o ka aina
Na pua na mamo na oiwi
A ka I a ka Mahi me ka Palena
E ala e lohe i ka welina
Ka’u kanaenae no Hawaii
Lahui malama i ka maluhia
Kupaa i ka pono o ke Kalaunu
Palekaua ia o ka manaoio
A he kolopa nana e une
Na pali kapu a o Kilauea
Ua paa i ke ahi a ka Wahine
I ke aiwaiwa o ke ao nei
Nana e hooni puni ka honua
Ike ia Hawaii a he moku nui
I ke o-i ana iho paa i ka mole
Keehi kulana i Ainaike
Ike ia kaua he hoa kanaka
Hookahi puuwai o ke aloha
Kakoo i kuu one hanau
Kihapai ia no Edena
Ua piha i ka ono me ke kuhinia
Nawai e ole a e makahehi
Na manu Aiko o ka Hikina mai
I ka ike i ka nani me ka hemolele
Aina o ka meli me ka waiu
E kahe ana ia me ke aliali
Me he wai hau ala no Helemona
Kona mau kuahiwi a he kilakila
He molale i ka maka ke ike aku
Ka makani kupa hoi a he aheahe
Kona mau kapakai a he malie
Na ulu laau a he uliuli
O kona mau pua e popohe ana
A he waianuahea kona aala [A he waianuhea kona aala]
E poina ole ai ke hoomanao
Mukiki ana i ka pua lehua
Ahe nani hiehie kona hiona
He nohea me he manu Nunu ala
Ka opua ua hoi ua haaheo
O ke anuenue e pipio ana
O ka oi no ia i ka’u ike
Aole ona lua e like ai
Kaena ana au me ka haaheo
No kuu aina i hanau ai
He momi i loaa mailuna mai
A he lei kaimana no ka lahui
E ola kakou a pau loa
Ma ka inoa o ka Haku Mana Loa
Haina e ka wehi i kaulana
He mele lahui no Hawaii.
Composed for the patriots
Miss Kekoaohiwaikalani,
Puahaulani Hale.
Honolulu, Feb. 10, 1893.
(Leo o ka Lahui, 2/16/1893, p. 3)
Ka Leo o ka Lahui, Buke II, Helu 643, Aoao 3. Feberuari 16, 1893.
Eia Hawaii ua Lanakila,
Aina kaulana i ka hanohano,
Haaheo na Pua me na Mamo
A ka I a ka Mahi me ka Palena.
Lahui pookela o ke ao nei
Hookipa oluolu i ka malihini;
Puuwai hamama me ke aloha
Lokomaikai piha he manawalea.
Kui ai e ka lono puni ka honua
No ka hana kaulana a ka Lahui,
Malama maluhia me ka hoopono,
He manao kupaa me ka wiwoole.
Aohe puni wale i ka Lilelile,
I ka mali leo mai a ke Kolea.
Oiai ua kila ia ua paa
Ke aloha aina i ka puuwai.
Ua ewe, ua mole, ua onipaa.
Ua ku i ka piko kapu o Wakea.
Hookahi mea nui a ka manao
A e ake nei a e hookoia;
O ke Alii Aimoku i ke Aupuni
O ka aina hoi a e maluhia,
O ka Hae Kalaunu e welo ana
Haaheo mai ana i kona nani.
Hoike mai ana i ka Lahui
Ua hoi hou e ka Ea o ka Aina.
Lanakila mau loa aku Hawaii,
Me kona Hae nani oi kelakela.
Haina e ka wehi i kaulana
Na Pua i Aloha i ka Aina.
Miss Keko’aohiwaikalani
Puahaulani Hale.
Kawaiiki, Nov. 8th, 1893.
(Leo o ka Lahui, 11/10/1893, p. 3)
Ka Leo o ka Lahui, Buke II, Helu 810, Aoao 3. Novemaba 10, 1893.
1st. Kahiko ka ohu i Nuuanu
I ka hoku a ka lau Kawelu
Ua lupea ia e ka moani
Hoope aala oia uka.
Hui:Â He halia he aloha keia
No kuu aina hanau
A’u e hiipoi mau nei
No ka lanakila o Hawaii.
2nd. Ua nani ka pua o ka Ilima
I pilia mai me ka Maile
I wehi hoohie no ke kino
Kahiko mau no Hawaii.
3rd. Kamahao ka ike’na i ka nani
I ka wai Lehua a na manu
Manu inu wai pua Ohelo
Iiwipolena o ke Kuahiwi.
Miss Kekoaohiwaikalani.
Puahaulani Hale.
Honolulu, Mar. 25, 1893.
(Leo o ka Lahui, 4/24/1893, p. 1)
Ka Leo o ka Lahui, Buke II, Helu 690, Aoao 1. Aperila 24, 1893.
1st. Ua hooko ia ke koii
Ka iini kau a ka manao
Ua lanakila mau Hawaii
Ka Hoku o ka Pakipika.
Hui: No Hawaii no ke aloha
Aina o ka lokomaikai
Lahui malama i ka pono
Me ka laahia o ke Kalaunu.
2nd. Aole kupueu o Kahiki
Nana e hoonioni mai
Ua ewe ua mole ua paa
Eia i ka piko o Wakea.
3rd. Eia Hawaii ua wehi
I ka lei nani o ka Lanakila
Kilakila na pua na mamo
Na ewe kupa o ka aina.
Miss Kekoaohiwaikalani.
Puahaulani Hale.
Honolulu, Mar. 25, 1893.
(Leo o ka Lahui, 4/21/1893, p. 3)
Ka Leo o ka Lahui, Buke II, Helu 689, Aoao 3. Aperila 21, 1893.
nupepa 