Mele from the pen of patriot, Eleanor Kekoaohiwaikalani Prendergast, 1893.

Posted on November 10, 2016 by nupepa

KE ALOHA AINA.

1st. Kahiko ka ohu i Nuuanu
I ka hoku a ka lau Kawelu
Ua lupea ia e ka moani
Hoope aala oia uka.

Hui: He halia he aloha keia
No kuu aina hanau
A’u e hiipoi mau nei
No ka Lanakila o Hawaii.

2nd. Ua nani ka pua o ka Ilima
I pilia mai me ka Maile
I wehi hoohie no ke kino
Kahiko mau no Hawaii.

3rd. Kamahao ka ike’na i ka nani
I ka wai Lehua a na manu
Manu inu wai pua Ohelo
Iiwipolena o ke Kuahiwi.

Miss Kekoaohiwaikalani.

Puahaulani Hale
Honolulu, Mar. 25, 1893.

(Leo o ka Lahui, 4/25/1893, p. 1)

Ka Leo o ka Lahui, Buke II, Helu 691, Aoao 1. Aperila 25, 1893.

“An Adornment for the Patriots,” 1893.

Posted on April 10, 2016 by nupepa

HE OHU NO KA POE ALOHA AINA.

Kaulana na pua o Hawaii
Kupaa mahope o ka aina
Hiki mai ka elele o ka lokoino
Palapala alunu me ka pakaha
Pane mai o Hawaii Nui a Keawe
Kokua na Honoapiilani
Kakoo mai Kauai o Mano
Pau pu me ke one o Kakuhihewa
Aole e kau e ka pulima
Maluna o ka pepa a ka enemi
Aole makou e minamina
I ka puu dala a ke aupuni
Hoohui aina kuai hewa
I pono kivila o ke kanaka
Mahope makou o ka Moi
A kau hou ia i ke Kalaunu
Haina ia mai ana ka puana
No ka poe i aloha i ka aina.

Miss Kekoaohiwaikalani,

Puahaulani Hale.

Honolulu, Feb. 10, 1893.

[This is perhaps the very first publication of Ellen Kekoaohiwaikalani Prendergast’s “Kaulana na Pua:” “An Adornment for the Patriots.” Was the idea about eating stones not in the original composition and added on after the Hawaiian National Band [Bana Lahui] was told by Herny Berger that they would have to sign their names to the annexation club roll lest they end up having to eat stones? The first time it seems that the lines about eating stones was published was under the title “He Inoa no na Keiki o ka Bana Lahui” [A Name Song for the Boys of the Hawaiian National Band] in 3/23/1893 on the second page of Hawaii Holomua.]

(Leo o ka Lahui, 2/24/1893, p. 3)

Ka Leo o ka Lahui, Buke II, Helu 649, Aoao 3. Feberuari 24, 1893.

Royal Hawaiian Band and “Kaulana na Pua,” 1893.

Posted on April 17, 2015 by nupepa

NIGHT OF GREAT ENTERTAINMENT.¹

There were many people who arrived at the Night of Entertainment by the Royal Hawaiian Band [Bana Lahui Hawaii], at the Hawaiian Hotel on the evening of this past Tuesday. There were perhaps 5,000 people of all ethnicities who showed up to listen to those beautiful singers of Hawaii. Because of your fine work, O Patriots, therefore the lahui showed its appreciation to you all, with them always filling the audiences of all the performances you give. The singing voices were sweet, and the most acclaimed was your “Mele Ai Pohaku.” The audience went home with happy hearts because of the mele that were played, along with the singing. When will the next performance be? Send in a notice in advance, and we will inform the multitudes and the friends of the occasion.

¹”Ka Po Lea o Halalii.”

(Leo o ka Lahui, 10/12/1893, p. 2)

Ka Leo o ka Lahui, Buke II, Helu 789, Aoao 3. Okatoba 12, 1893.

More awesome patriotic mele by Eleanor Prendergast, 1893.

Posted on April 16, 2015 by nupepa

HE WEHI NO KA LAHUI.

He inoa keia no ka lahui
Na ewe hanau o ka aina
Na pua na mamo na oiwi
A ka I a ka Mahi me ka Palena
E ala e lohe i ka welina
Ka’u kanaenae no Hawaii
Lahui malama i ka maluhia
Kupaa i ka pono o ke Kalaunu
Palekaua ia o ka manaoio
A he kolopa nana e une
Na pali kapu a o Kilauea
Ua paa i ke ahi a ka Wahine
I ke aiwaiwa o ke ao nei
Nana e hooni puni ka honua
Ike ia Hawaii a he moku nui
I ke o-i ana iho paa i ka mole
Keehi kulana i Ainaike
Ike ia kaua he hoa kanaka
Hookahi puuwai o ke aloha
Kakoo i kuu one hanau
Kihapai ia no Edena
Ua piha i ka ono me ke kuhinia
Nawai e ole a e makahehi
Na manu Aiko o ka Hikina mai
I ka ike i ka nani me ka hemolele
Aina o ka meli me ka waiu
E kahe ana ia me ke aliali
Me he wai hau ala no Helemona
Kona mau kuahiwi a he kilakila
He molale i ka maka ke ike aku
Ka makani kupa hoi a he aheahe
Kona mau kapakai a he malie
Na ulu laau a he uliuli
O kona mau pua e popohe ana
A he waianuahea kona aala [A he waianuhea kona aala]
E poina ole ai ke hoomanao
Mukiki ana i ka pua lehua
Ahe nani hiehie kona hiona
He nohea me he manu Nunu ala
Ka opua ua hoi ua haaheo
O ke anuenue e pipio ana
O ka oi no ia i ka’u ike
Aole ona lua e like ai
Kaena ana au me ka haaheo
No kuu aina i hanau ai
He momi i loaa mailuna mai
A he lei kaimana no ka lahui
E ola kakou a pau loa
Ma ka inoa o ka Haku Mana Loa
Haina e ka wehi i kaulana
He mele lahui no Hawaii.

Composed for the patriots

Miss Kekoaohiwaikalani,

Puahaulani Hale.

Honolulu, Feb. 10, 1893.

(Leo o ka Lahui, 2/16/1893, p. 3)

Ka Leo o ka Lahui, Buke II, Helu 643, Aoao 3. Feberuari 16, 1893.

More patriotic mele composed by Eleanor Prendergast, 1893.

Posted on April 16, 2015 by nupepa

HE WEHI KAULANA NO KA LAHUI.

Eia Hawaii ua Lanakila,
Aina kaulana i ka hanohano,
Haaheo na Pua me na Mamo
A ka I a ka Mahi me ka Palena.
Lahui pookela o ke ao nei
Hookipa oluolu i ka malihini;
Puuwai hamama me ke aloha
Lokomaikai piha he manawalea.
Kui ai e ka lono puni ka honua
No ka hana kaulana a ka Lahui,
Malama maluhia me ka hoopono,
He manao kupaa me ka wiwoole.
Aohe puni wale i ka Lilelile,
I ka mali leo mai a ke Kolea.
Oiai ua kila ia ua paa
Ke aloha aina i ka puuwai.
Ua ewe, ua mole, ua onipaa.
Ua ku i ka piko kapu o Wakea.
Hookahi mea nui a ka manao
A e ake nei a e hookoia;
O ke Alii Aimoku i ke Aupuni
O ka aina hoi a e maluhia,
O ka Hae Kalaunu e welo ana
Haaheo mai ana i kona nani.
Hoike mai ana i ka Lahui
Ua hoi hou e ka Ea o ka Aina.
Lanakila mau loa aku Hawaii,
Me kona Hae nani oi kelakela.
Haina e ka wehi i kaulana
Na Pua i Aloha i ka Aina.

Miss Keko’aohiwaikalani

Puahaulani Hale.

Kawaiiki, Nov. 8th, 1893.

(Leo o ka Lahui, 11/10/1893, p. 3)

Ka Leo o ka Lahui, Buke II, Helu 810, Aoao 3. Novemaba 10, 1893.

Another patriotic mele by Eleanor Prendergast, 1893.

Posted on April 15, 2015 by nupepa

KE ALOHA AINA.

1st. Kahiko ka ohu i Nuuanu
I ka hoku a ka lau Kawelu
Ua lupea ia e ka moani
Hoope aala oia uka.

Hui: He halia he aloha keia
No kuu aina hanau
A’u e hiipoi mau nei
No ka lanakila o Hawaii.

2nd. Ua nani ka pua o ka Ilima
I pilia mai me ka Maile
I wehi hoohie no ke kino
Kahiko mau no Hawaii.

3rd. Kamahao ka ike’na i ka nani
I ka wai Lehua a na manu
Manu inu wai pua Ohelo
Iiwipolena o ke Kuahiwi.

Miss Kekoaohiwaikalani.

Puahaulani Hale.

Honolulu, Mar. 25, 1893.

(Leo o ka Lahui, 4/24/1893, p. 1)

Ka Leo o ka Lahui, Buke II, Helu 690, Aoao 1. Aperila 24, 1893.

“The Victory of Hawaii” by Eleanor Prendergast, 1893.

Posted on March 5, 2015 by nupepa

KA LANAKILA O HAWAII.

1st. Ua hooko ia ke koii
Ka iini kau a ka manao
Ua lanakila mau Hawaii
Ka Hoku o ka Pakipika.

Hui: No Hawaii no ke aloha
Aina o ka lokomaikai
Lahui malama i ka pono
Me ka laahia o ke Kalaunu.

2nd. Aole kupueu o Kahiki
Nana e hoonioni mai
Ua ewe ua mole ua paa
Eia i ka piko o Wakea.

3rd. Eia Hawaii ua wehi
I ka lei nani o ka Lanakila
Kilakila na pua na mamo
Na ewe kupa o ka aina.

Miss Kekoaohiwaikalani.

Puahaulani Hale.

Honolulu, Mar. 25, 1893.

(Leo o ka Lahui, 4/21/1893, p. 3)

Ka Leo o ka Lahui, Buke II, Helu 689, Aoao 3. Aperila 21, 1893.

Name song for David Kawananakoa, 1893.

Posted on March 3, 2015 by nupepa

HE INOA NO KAWANANAKOA.

He inoa nou e Kalani Kawika
No ka pua i mohala i Makanoni,
Nau i hoolana me ka wiwo ole
Ka manao haaheo i ka puuwai
Hoouna ia oe maka mikiona
I wahaolelo no ka Lahui
Haulani aku oe a oia loa
Na kai ehuheu o ka Moana
Na kilihune ua o ka Hooilo
Hau iniki ili a o Kaleponi
Ka makani hui koni o ka Akau
O ka noe halii ma ka Hikina;
Mea ole wale no i ka uilani
Ka uwila hoohana a o Hawaii
E ake no a hookoia
Na kikoni wela a ka puuwai
I ka hapai mai a ke aloha
O ka ewe hanau o ka Aina
Aia ka palena o Wakinekona
Kapikala kaulana a o Nu Ioka
Ike i ka nani a o Amerika
I ka uluwehi o ka Hale Keokeo
Ilaila olu pono kahi manao
Lana malie iho me he wai ala
Launa oluolu me ke aloha
Me ka manao lana o ka lanakila
Ninau mai e ka Pelekikena
Pehea Hawaii Nui o Keawe
Oia mau no o ke onaona
Ka pua nani o ka Pakipika
E popohe ana ia me ka nohea
E hooheno ia ai e ka malihini
Ina no oe a e ike ana
I ka lihilihi ula o ka Lehua
Aole e nele kou awihi
I ka ui kaulana o ke Ao nei
A oia no hoi Ko’u manao
A i alo mai nei o ke Kai loa
Eia ka Elele o ke Kuini
Puuwai Hao Kila Makeneki
Ua ino na hana a ke Koae
Kahi manu aea pili pohaku
E ake ana no a hoopunana
Malalo o ka malu lau laau
I malumalu ai kana punua
I manao ai e hoolaukoa
A piha i ka hulu owala mai
Kapapa hewa ana ma ke kuono
I ka ono i ka hua Ohelopapa
O ke kihapai o Elenale
Hookaha i ka nani o ka Aina
Ke Gula hu wala a o Hawaii
Pehea la ia i kou manao
Me nei oe la noonoo mai
E wiki oiai ka manawa pono
Aia Enelani ua enaena
Kulou ke poo o ka Aeko
I ka ea ana mai puua ka waha
Ua hewa na hua a ke Koae
Aohe moneka nana e kala
Ua pono kou manao e Kalani
E hoi no oe me ka hanohano
Lawe ae no oe a kiekie
He loaa mai na kupuna mai
Me oe ke aloha o ke Kahikolu
E ka Iwakiani o Hawaii
A he lei Mokihana onaona Oe
I pilia me ka Lauae o Makana
E o e Kalani pua laha ole
O Kawananakoa kou inoa.

Miss. Kekoaohiwaikalani

Puahaulani Hale

Honolulu, March 1, 1893.

(Leo o ka Lahui, 3/7/1893, p. 3)

Ka Leo o ka Lahui, Buke II, Helu 656, Aoao 3. Maraki 7, 1893.

Ellen Kekoahiwaikalani Prendergast’s “Kaulana na Pua”, 1896.

Posted on November 26, 2013 by nupepa

Look Here at This Mele

MELE ALOHA AINA AI-POHAKU
[PATRIOTIC ROCK-EATING SONG]

1. Kaulana na pua o Hawaii
Kupaa mahope o ka aina,
Hiki mai ka elele a ka lokoino
Palapala alunu me ka pakaha

2. Pane mai Hawaii-Nui o Keawe
Kokua na Hono-a-Piilani
Kakoo mai Kauai o Mano
Pau pu me ke one o Kakuhihewa

3. Aole e kau e ka pulima
Maluna o ka pepa a ka enemi
Aole makou a e minamina
I ka puu dala a ke Aupuni

4. Ua lawa makou i ka pohaku
I ka ai kamahao o ka aina
Hoohuiaina kuai hewa
I ka pono kivila o ke kanaka

5. Mahope makou o Liliulani
A kau hou la i ke Kalaunu
Haina ia mai ana ka puana
Na pua i aloha i ka aina

Composed by KEKOAHIWAIKALANI.

[This mele for obvious reasons is published many times throughout time.]

(Aloha Aina, 6/13/1896, p. 4)

Ke Aloha Aina, Buke II, Helu 24, Aoao 4. Iune 13, 1896.

Ellen Wright marries John Kapamawaho Prendergast, 1894.

Posted on November 26, 2013 by nupepa

Joined Together as One.

At the hour of 7:30 P. M. of last Thursday, August 9, 1894: joined together in the holy covenant of matrimony, was our fellow and friend, John Kapamawaho Prendergast and Miss Ellen Wright of Honolulu nei. The Bishop of Panopolis [Bihopa o Panopoli] performed their marriage ceremony.

Our beloved prayer is that your lives be blessed with good fortune from the Heavens and that love and patience remain always in your home and that your days upon Hawaiian soil be prolonged.

(Leo o ka Lahui (puka la), 8/13/1894, p. 3)

Ka Leo o ka Lahui (puka la), Buke II, Helu 1003, Aoao 3. Augate 13, 1894.

	Lei Bortmas on Jack Kaleiwahea falsely accuse…
	Clifford on Jack Kaleiwahea falsely accuse…
	Lei Bortmas on Jack Kaleiwahea falsely accuse…
	Clifford on Jack Kaleiwahea falsely accuse…
	Natalie on John Kalino passes away, …
	Eli on Keaunui family history, 1…
	'Place Them Bac… on Charles Nakao, survivor of the…
	TASIA on Collage of Royal Order of Kame…
	News from Jarvis Isl… on Bird poop was a big business b…
	Diane on John Kalino passes away, …
	Gloria R on Jack Kaleiwahea falsely accuse…
	Gloria R on Jack Kaleiwahea falsely accuse…
	Reblog: Death of Ann… on Death of Annie Kaikioewa,…
	Lei on Jack Kaleiwahea falsely accuse…
	Clifford on Jack Kaleiwahea falsely accuse…

nupepa

This is an independent blog. Please note that I am nowhere near fluent, and that these are not translations, but merely works in progress. Please do comment if you come across misreads or anything else you think is important.

Tag Archives: Kekoaohiwaikalani

Mele from the pen of patriot, Eleanor Kekoaohiwaikalani Prendergast, 1893.

KE ALOHA AINA.

“An Adornment for the Patriots,” 1893.

HE OHU NO KA POE ALOHA AINA.

Royal Hawaiian Band and “Kaulana na Pua,” 1893.

NIGHT OF GREAT ENTERTAINMENT.¹

More awesome patriotic mele by Eleanor Prendergast, 1893.

HE WEHI NO KA LAHUI.

More patriotic mele composed by Eleanor Prendergast, 1893.

HE WEHI KAULANA NO KA LAHUI.

Another patriotic mele by Eleanor Prendergast, 1893.

KE ALOHA AINA.

“The Victory of Hawaii” by Eleanor Prendergast, 1893.

KA LANAKILA O HAWAII.

Name song for David Kawananakoa, 1893.

HE INOA NO KAWANANAKOA.

Ellen Kekoahiwaikalani Prendergast’s “Kaulana na Pua”, 1896.

MELE ALOHA AINA AI-POHAKU
[PATRIOTIC ROCK-EATING SONG]

Ellen Wright marries John Kapamawaho Prendergast, 1894.

Joined Together as One.

KE ALOHA AINA.

HE OHU NO KA POE ALOHA AINA.

NIGHT OF GREAT ENTERTAINMENT.¹

HE WEHI NO KA LAHUI.

HE WEHI KAULANA NO KA LAHUI.

KE ALOHA AINA.

KA LANAKILA O HAWAII.

HE INOA NO KAWANANAKOA.

MELE ALOHA AINA AI-POHAKU [PATRIOTIC ROCK-EATING SONG]

Joined Together as One.

MELE ALOHA AINA AI-POHAKU
[PATRIOTIC ROCK-EATING SONG]