HOOHENO NO KA POLI LAUAE.
Nani wale no Kukuiolono,
Ke kikowaena o Kauai;
Paka hooheno a ka lehulehu,
A ka ili ulaula ili keokeo.
laila makou ike iho ai,
Na pua like ole oi a ka nani;
Hoohihi ka manao a e lalau,
…..I bo-ke pua kau umauma.
Aole nae hoi la a e hihi,
Na huaolelo kau e ka weli;
…..Mai kii aku oe mai hoopa,
Ua kapu ia na Alekana;
Aole i ana iho e ka makemake,
Na pua momi o Keaunaulu.
Ulumahiehie i ka Uanoe,
I ka ua lihau noe i ke kula;
Laula ke kahua i haulani ia,
Ekolu puni o ka lina poepoe.
Ua lawa ka iini koialoko,
…..Ua ike ia Kukuiolono;
Kau aku ka manao no Waimea,
E ike i ka wai Ulailiahi.
Ka hoa pili hoi o ka Waikea,
Na wai kaulana o Manokalani.
Aia i ka la’i a o Waiawa,
Ka mu-o launiu opiopio,
He hoa hooheno no Limaloa,
No ka eueu a o Ainaike;
Ike i ke one kani a o Nohili,
Kohu waiolina ke hone mai.
Ua like a like me ke kauno’a,
…..Nonoula i ka Wailiula.
E ola no au me a’u lei,
A kau i ka hae o ka lanakila;
Haina ka puana a i lonoia,
O a’u lei o ka Poli Lauae.
Hakuia e Mrs. Wahineikeaouli Pa.
[I wonder if there is a picture of the sign that stood at Kukuiolono Park which is referred to in this mele? “You fancy to take, A boutonniere of flowers for your breast, But don’t be mistaken, The sign that instills fear; Do not take nor touch, For they are kapu to Alexander McBryde (Alekana).
This mele is printed earlier in the Kuokoa of 12/7/1917, p. 3.]
(Kuokoa, 12/28/1917, p. 5)
Ka Nupepa Kuokoa, Buke LV, Helu 52, Aoao 5. Dekemaba 28, 1917.
nupepa 