A name song for Queen Kapiolani, 1893.

HE INOA NO NAPELAKAPU.

He inoa keia no Kapiolani
Napelakapu i ka Wekiu
He kuini hoi oe no Hawaii
Puuwai hamama no ka lahui
Imia ana hoi oe me ka noeau
I ka pono kau like a o Hawaii
Lohea kou leo e pae ana
Hooulu lahui ko’u makia
Hea mai ka leo Napelakapu
Me ka nawali hoi me ka nanahe
Nahenahe ko leo i pae mai
I kaui ana mai pehea wau
Pehea oukou e ka Lahui
Na ewe hanau o ka Aina
Eia Hawaii Moku o Keawe
Ke oi ku nei me ka ehaeha
Ua ike ku maka iho kakou
Na hana pakaha ke aloha ole
Ua hoonele ia kuu milimili
O Liliu o Loloku Lani ike kapu
Ua kaili ia ka Leialii
Kawalu o na Lani papahi ai
Pehea ka manao e ka Lahui
E Hawaii nui kualiholiho
Umia ke aloha paa i loko
Kaohi malie i ka puuwai
A a a he wa hiki mai ana
E lanakila ai Hawaii loa
E Lei hou ai i ka hanohano
I ka Lei Kalaunu ao Hawaii
Eia ke ola ua hiki mai
Kalamaku a o Hawaii
Ka Elele Lahui ua hoi mai
Me ka lono hauoli no ka Lahui
Kaana pono ia e ke kaulike
E Liliu o Loloku Lani i ke kapu
Makia paa ia o ka Lahui
Kawalu o na Lani i ke Kalaunu
Hea aku makou o mai oe
Napelakapu kou inoa
E ola o Kalani a mau loa
O Kapiolani i ka iu ao luna

Haku ia e

Mrs. Kala.

Honuakaha Mar. 21, 1893.

(Leo o ka Lahui, 3/22/1893, p. 3)

HE INOA NO NAPELAKAPU.

Ka Leo o ka Lahui, Buke II, Helu 667, Aoao 3. Maraki 22, 1893.

Advertisements

Acrostic Mele for the Home of Emma and Joseph Nawahi, Homelani, 1894.

HOME LANI.

N—ani wale ka luna a i Homelani
A—ia i ka lai a o Hilo One
W—ehiwehi ka opua i ka’u ike
A—ia i ke ao malamalama
H—anohano Hawaii i ka’u ike
I—ke ku kamahao ma ka Hikina
O—ka lehua makanoe o Luluupali
K—ahiko mau ia o ka aina
A—ia i ka luna o Waiau
L—ilinoe ka wahine a oia uka
A—ia i ka piko olu o Wakea
N—oho mai o Malama i ka uluwehi
I—iwi e ka manu kiko waipua
O—ka Mamo iho la hulu melemele
P—au na mea nui i ka ike ia
U—a au ia hoi e ke kai loa
U—a like a like me Nelekona
A—iwaiwa a o Hawaii nei
I—anei ke aloha kakia iwi
M—akia paa ia i ka puuwai
A—eo mai oe i kou inoa
O Kalaniopuu i ka uluwehi.

Hakuia e Puuwaialoha.

[E o, e Hilo i ka ua Kanilehua! Does anyone know who Puuwaialoha is? This person was a composer of many a mele.]

(Leo o ka Lahui, 12/18/1894, p. 3)

HOME LANI.

Ka Leo o ka Lahui, Buke II, Helu 1080, Aoao 3. Dekemaba 18, 1894.

On the moving of the Na-ha Stone to Hilo Library 100 years ago, and its history (4 of 6), 1915.

As soon as Ululani heard these words of her children, she exited the house, and soon saw Kamehameha approaching, and that is when Ululani began a wailing call of love [uwe helu] and then she also called out the name song for Kamehameha with these words:

Au—we hoi—e, he mai hoi paha,
O oe ka ia e Kalaninuilanimehameha—a,
E hea aku ana i ka Iwa kiloulou moku la,
E komo e kuu Laninui hoi—a,
Ao i wehewehena ao i waihona—e,
Kona po o ka hoa keia—la,
A’u lei o ka ua haao hoi—e,
E lele ae la mauka o Auaulele—a,
E komo hoi paha i ka hale o Kealohalani—e,
Auau i ke kiowai kapu o Ponahakeone,
Ae inu hoi i ka awa a Kane i kanu ai i Hawaii,
A ola hoi ke kini o ke akua ia oe,
He mai hoi e kuu Laninuimehameha—a.

[Ah indeed, do come,
Might it be you, O Kalaninuilanimehameha?
I call out to the island-hooking Frigate bird,
Come in, my Heavenly Chief,
The day opens, the day closes,
In his night, this is the companion,
My lei of the Haao rains,
Soaring in the uplands of Auaulele,
Entering the home of Kealohalani,
Bathing in the sacred pool of Ponahakeone,
Drinking the awa which Kane planted in Hawaii,
The multitudes of the gods will live through you,
Come, my dear Laninuimehameha.] Continue reading

Name chant for Kamehameha V, 1868.

HE INOA NO KAMEHAMEHA V.

Kalaninui Kapuaiwa i ke kapu he inoa,
He kua kapu oe no Waialii kukai kapu na Lono,
O Lono o ke kai maeleha kapu ka leo i Kolea la,
Ka Ewauli o Laakona ke’lii nona ia kua—e,
Hanohano Lahaina i ka ua Nalina,
Ke kipu mai la i na kahawai,
O ka omaka o ka wai ke iho la i kai,
Ilina opala aku la kai o Hauola,
I ka hoonuua ia e ka makani Malanai,
He noe ke kino oia makani ke pa mai,
Ulu iho la maha pepe ka lau o ka maia,
Ana ole i ka hookinaia e ke kaao—e,
Ua—i—I aku la oe iaia nei—e.

Ike iho la oe he mea pono ia,
Heaha ka mea i lawelawe ole iho ai ka lima,
I koho kau nana iaia—e,
Ua i—I aku la oe iaia nei—e.

Kau ka hae o Lele i ka pohu,
Me he ia moku i ka malie,
Kauilani i ka makani Ma—aa,
E honi ana i ke Kakaalani,
Kii Kaunuloa powa i ka pohu,
Nana’ku oe o na lehua o Lihau,
Ua maeele i ka ua ia e ka ua,
Opili Kahili maeele i ke anu—e,
Ua i—I aku la oe iaia nei—e.

He anu no ko’u noho nei,
Ina e mehana moe iho la hoi,
Ua i—I aku la oe iaia nei—e,
Ua i—I aku la oe iaia nei—e.

S. KANAE.

Kalaninui Kapuaiwa i ke kapu he inoa,
Ke kua e o i ko olua kua no,
Opu no oukou a i ekolu,
Ka ihea lepo iluna o Iolani,
O ka lani koe iluna lilo,
Ke ‘lii nona ia kua—e,
Hana i ka lani ke kiowai,
He kiowai ua no Kulanihakoi,
I hanini mai pulu ke kahawai,
Helelei piha ke kahawai o ka honua,
E hana ino ana i ka lai o Lele,
Hone ka Maaa a pepehi i ke Kaomi,
Hoi e moe i Kauamakaupili—e,
Ua i—I aku la oe iaia nei—e.

Oia nei ke hoa he alapahi ke ano,
He nolunolu olelo i kahi alii,
I hewa mai ai ke kahu o ka moe—e,
Ua i—I aku la oe iaia nei—e.

Moe e no Puna lolii i ka makani,
Hooio i na lei lehua a Kamoani,
Hukihuki hele i ke kai o Punahoa,
Hahihahi ku i ke one o Paikaka,
Kaka kahela na lima o Mokaulele,
E apo ana i paa Omaolala,
O lilo e aku i ka ua nahunahu,
O Konohiki lau aku i ka Luaopele—e,
Ua i—I aku la oe iaia nei—e.

He pele ia nei he mea a loa,
Hookahi no mea i pio ai o Kamapuaa,
I ka haunuu haulani a Kama i ka eku—e,
Ua i—I aku la oe iaia nei—e,
Ua i—I aku la oe iaia nei—e.

KAPOLI HAWANAWANA.

[There is one oki of this mele found in the 5/28/1868 issue of Au Okoa by Kekuanaoa, one in the 6/18/1868 issue without an attribution, one in the 7/23/1868 issue by Kamehameha III; three in the 7/30/1868 issue, one by Kalama, one by Kaomi, and the other by Liliha. There are also many issues that are missing for this newspaper, and who knows what treasures might be found once copies of those issues are found!]

(Au Okoa, 9/24/1868, p. 1)

HE INOA NO KAMEHAMEHA V.

Ke Au Okoa, Buke IV, Helu 23, Aoao 1. Sepatemaba 24, 1868.

A name song for the boys of the Royal Hawaiian Band, 1893.

HE INOA NO NA KEIKI O KA BANA LAHUI.

Kaulana na pua a o Hawaii
Kupaa mahope o ka aina
Hiki mai ka Elele a ka lokoino
Palapala alunu me ka pakaha
Pane mai Hawaii Nui o Keawe
Kokua na Hono a o Piilani
Kakoo mai Kauai a o Mano
Pau pu me ke one Kakuhihewa
Aole e kau i ka pulima
Maluna o ka pepa a ka enemi
Aole makou a e minamina
I ka puu dala o ke Aupuni
Ua lawa makou i ka pohaku
I ka ai kamahao o ka aina
Hoohui Aina kuai hewa
I ka pono Kivila a o ke kanaka
Mahope makou o ka Moi
A kau hou i ka Noho Kalaunu
Haina mai ana ka puana
No ka poe i aloha i ka Aina

(Hawaii Holomua, 3/23/1893, p. 2)

HE INOA NO NA KEIKI O KA BANA LAHUI.

Hawaii Holomua, Buke III, Helu 185, Aoao 2. Maraki 23, 1893.

Mele inoa for Queen Kapiolani, 1881.

A Name Song.

For Queen Kapiolani Napelakapu; from Holoholoku comes this mele for the wife of Aikanaka, the King of Kauai; Hinaaikamala [Hinaaikamalama] was the wife of Aikanaka; which was recorded by S. Hinau. A small portion was copied here below.

Nani kuu hilahila e noho nei-e
Hele wale ka manene a ka lima-e
A ka laulau hoi mai-e
Hohoi maua me kuu nele-e
Me ka hilahila pau pu no-e
Ahi loloko wewela i ka makemake-e
I ka hu-honua a ka waimaka-e
O kuu maka kai ike i ka eha-e
Halanalana no e hanini-e
Kahanu kolopaa oia hanu-e
Ka lapalapa huila o ke kanaka-e
Ka hinu holo ia a ke aloha-e
Nana i kuikui nawali au-e
Nakunaku ka pua hau i ka wai e-e
Napanapa ka lau ke ike ku-e
He ukiuki keia i ka lono-e
Lono wau ua pa kanaka oe-e.

[This can also be seen in the mele “Nani Kuu Maka e Au Wale Nei-e,” found on pages 264–267, of Na Mele Aimoku, Na Mele Kupuna, a me Na Mele Ponoi o ka Moi Kalakaua I. It is credited to Niau. There is also an appended note that the top of this mele has been lost.

It is also unfortunate that this newspaper, Ka Elele Poakolu, is still not available online in any form.]

(Elele Poakolu, 5/11/1881, p. 2)

He Mele Inoa.

Ka Elele Poakolu, Buke II, Helu 10, Aoao 2. Mei 11, 1881.

A name song for the new Princess Kaiulani, 1877.

A Name Song For the New Royal Scion.

Princess Victoria Kawekiui Kaiulani Lunalilo Kalaniahilapalapa.

Kau kehakeha ana i ka lai la,
Na maka hoonohenohe la,
E mahie oiala ua lia loko la,
Na pua Ohai o Kahelu la.

Imi ia kou akamai a nui la,
I laka ka I-a o ka moana la,
Na’u i alo ia ehukai la,
Ike pono ia ai o Kaula la.

E ao oe o ike la,
I ka hana mikiala a ka eu la,
O ka hiu nei nana i kapeku la,
Puni ai na moku ia Kalani la.

I pakele aku no hoi oe la,
I waiho ia ‘ku e Limaloa la,
Hoona ae ai ka manao la,
Aia ke ola i Waiolono la.

No ka pua iluna lilo ka puana la,
No ka lani kapu o Hawaii la,
E o e ka lani lei hiwa la,
O Kaiulani he inoa la.

Marion.

A ka la i kupu ai ka manao la,
E hooko i ka makemake la,
E ake e ike i ka Ailana la,
Kauai o Manokalanipo la.

Na ka Maliana i lawe lai la,
Piha pono na pea i ka makani la,
O ka Hae Kalaunu welowelo la,
Haaheo i ka ili o ke kai la.

He ikena ka’u i ka ohuohu la,
Na Ukali Hanohano o ka leo la,
Na lipine kowelo Kelani la,
Liliuonamoku ko luna la.

Kui lua na pu o ke aloha la,
Honehone na leo o ka Pila la,
Kamahao ke aloha i hiki mai la,
No ke one o Kakuihewa la.

No ka pua iluna lilo ka puana la,
No ka Lani kapu o Hawaii la,
E o e ka lani lei hiwa la,
O Kaiuonalani he inoa la.

Keliimoewai.

Lulu ka makani ka ikena la,
Ka hehina ka aina o Kawelo la,
Pa kahea a ke kupa la,
E kipa, eia ke aloha la.

Kau aku na maka o ka ike la,
I ka wai olu o Kemamo la,
Maloko, mawaho ka pilina la,
He ma-u ia, he pahee la.

Ka ihona i Huleia hoolana la,
Ka boti o ka Lani Kalakaua la,
Na Kaiu, Puhiula i kaiue la,
Like ole ka hoena i ka wai la.

Hoomaka aku i Niumalu la,
Hilinai ka hana kaleipua la,
Ka anoi hiki mai ka manawa la,
He mai-e komo, ua lai la.

No ka pua iluna lilo ka puana la,
No ka lani kapu o Hawaii,
E o e ka lani lei hiwa la,
O Kaiuonalani he inoa la.

Keliihulahoowali.

A Wailua alo lahilahi la,
Mania ka poli o ke kalukalu la,
Lea’i kahela a Kapaa la,
I ka noho a Kapahi i ka uka la.

He halia ‘loha kai hiki mai la,
No na Kawaihau i ka iu la,
Lulu lima me na hoa la,
Kaohi ka manao e noho la.

Ke hea mai nei Waiehu la,
Kaua i ka wai awe i ka pali la,
E inu iho ai a kena la,
I ka wai hui o Kawelo wai la.

Uilani ae nei oiala la,
Na manu hoolai i ka home la,
Na hula hoowali poahi la,
Koloa ka iini a loko la.

No ka pua iluna lilo ka puana la,
No ka lani kapu o Hawaii la,
E o e ka lani leihiwa la,
O Kaiuonalani he inoa la.

Kaleiluhia.

A Waimea i ka uluwehi la,
Aina wai ula Iliahi la,
Auau wai kea Kahoomano la,
A he Nila ka iniki i ka ili la.

Aia Limaloa i Mana la,
I ka hoaleale liu la la,
Hoohehelo ana na pua la,
I ke one kani o Nohili la.

Kahiko ia kini i ka ohu la,
Lei pahapaha o Polihale la,
E huli e hoi kakou la,
A he po mahina lailai la.

E ui ninau i ka Opua la,
A heaha ka hana Niihau la,
Hookele ia’ku ia moku la,
O ke Awa ia e kau ai la.

No ka pua luna lilo ka puana la,
No ka Lani kapu o Hawaii la,
E o e ka Lani lei hiwa la,
O Kaiuonalani he inoa la.

Panini.

Ike i ke one o Halalii la,
Na nalu ehuehu o Kaohia la,
Ka makani aheahe o Lehua la,
He mikioi ka lawena pili mai la.

Ea mai o Kaula i ke kai la,
Ua lai ka hikina a pili la,
Haaheo ka aina ia moku la,
A oi ike ia mamua la.

Ua nani he ma-u no ia la,
Ua ike i ke Ana o Ku la,
Ia oe ae kau hana mahope la,
Ua paa keehena a ka Lani la.

Ua poni ia na Mokupuni la,
Poni kapu ia na ka welo kapu la,
Kiina mai ka hikina i Kumukahi la,
A ka welona a ka la i Lehua la.

No ka pua iluna lilo ka puana la,
No ka Lani kapu o Hawaii la,
E o e ka Lani lei hiwa la,
O Kaiuonalani he inoa la.

Puuwela.

[This mele inoa for Princess Kaiulani is also found under the title “He Inoa no Kaiulani” with the oki by the different composers found scattered in Ed. C. Holstein’s Ka Buke Mele o na Himeni Hawaii. There are variations between the two versions.]

(Kuokoa, 11/24/1877, p. 4)

He inoa no ka Pua Alii Hou.

Ka Nupepa Kuokoa, Buke XVI, Helu 47, Aoao 4. Novemaba 24, 1877.